Երաշխիքային պլոմբի համար պաշտպանիչ նյութի ընտրությունը հաճախ կախված է դրա վրա զետեղվող ինֆորմացիայի բնույթից և կիրառման վայրից:Այսպես, եթե պատկերը պիտակի վրա պետք է տպագրվի ջերմային դրոշմատպման միջոցով, ապա անհրաժեշտ է ընտրել բարձր ջերմաստիճանների հանդեպ դիմացկուն նյութ, քանի որ դրոշմատպման գործընթացն անցնում է Ցելսիուսի սանդղակով մոտ 120 աստիճանի պայմաններում: Այդ տեսակետից երաշխիքային պլոմբերի տպագրության առավել հարմար տարբերակ է մետաքսատպությունը, որը հատուկ ջերմային ռեժիմ չի պահանջում:

 

Եթե պաշտպանիչ պիտակով ապրանքը հիմնականում գտնվելու է բացօթյա տարածքում, ապա, ամենայն հավանականությամբ, անհրաժեշտ կլինի օգտագործել արտաքին ներազդեցության գործոնների հանդեպ դիմացկուն, առավել կայուն կպչուն շերտով թաղանթային նյութ: Նման դեպքերում լավագույն լուծումը լավսանային հիմքով պաշտպանիչ պիտակներն են:

 

Երաշխիքային պլոմբ ընտրելիս նաև կարևոր է ուշադրություն դարձնել պաշտպանության անհրաժեշտ աստիճանին: Պիտակի ինքնաքայքայումը կամ շերտազատումն ապրանքի պաշտպանության միջոցներից ընդամենը մեկն են: Պլոմբի կեղծման հավանականությունը նվազեցնելու համար օգտագործվում են նաև տպագրության հատուկ եղանակներ և ներկերի տեսակներ: Այսպես, կարելի է երաշխիքային պիտակը ստանալ մետաքսատպությամբ՝ զուգահեռաբար դրոշմատպելով տարբերանշանը և պատելով այն տերմոներկի շերտով: Հնարավոր են նաև պիտակների համարակալումը և միայն ուլտամանուշակագույն ճառագայթի ներքո հայտնվող անտեսանելի գրառման առկայությունը:

 

Համակարգչային ոլորտում լայն կիրառություն են ստացել տերմոքրոմային ներկով պաշտպանիչ պիտակները: Ներկը փոխում է իր գույնը կրիտիկական աստիճանի հասնելիս՝ ջերմաստիճանի մեծացմանը զուգահեռ: Այսպես, օրինակ, սպասարկման սրահի աշխատակցին ավելի հեշտ կլինի կոշտ սկավառակի ախտորոշում անցկացնել. փոփոխված գույնի պաշտպանիչ պիտակը նրա համար համապատասխան բլոկի գերտաքացման ցուցիչ կարող է ծառայել: