!

Ինչու՞ չարժե ընտրել հաստ ստվարաթղթից պարկ (տոպրակ)

 

Թղթե պարկի (տոպրակի) գնի հիմնական մասը կազմում է այն թղթի արժեքը, որից պատրաստված է տոպրակը: Որքան ավելի մեծ է թղթի գրամաժը, այնքան ավելի թանկ է պարկը: Ընդ որում, ծանր թուղթ ընտրելուց բոլորովին էլ չի հետևում, որ որակն ավելի բարձր կլինի: Ավելի շուտ՝ հակառակը: Թղթե պարկը (տոպրակը) կոպիտ է ստացվում, հաստ ստվարաթղթից պատրաստված տոպրակի ծալքերը հեշտությամբ ճաքում են, իսկ ստվարաթղթի կառուցվածքի ոչ ճկուն լինելու պատճառով թղթե պարկի մասերի սոսնձումն այնքան էլ վստահելի չի լինում: Որպես հետևանք՝ անճոռնի մի բան է ստացվում:

 

Այդ իսկ պատճառով, անկեղծորեն խորհուրդ ենք տալիս ընտրել այնպիսի թուղթ, որի գրամաժը չի գերազանցում 250 գր/մ2՝ անգամ այն դեպքում երբ Ձեզ ստվարաթղթի որոշակի նմուշ է դուր եկել: Արդյունքում Դուք և գումար կխնայեք, և չեք հիասթափվի Ձեր թղթե պարկի (տոպրակի) տեսքից:

 

Որքա՞ն դիմացկուն է թղթե պարկը (տոպրակը)

 

Սովորաբար տպավորություն է ստեղծվում, թե թղթե պարկը (տոպրակը) փխրուն ապրանք է, քանի որ թուղթն ինքը հեշտությամբ պատռվող է: Այնուամենայնիվ, ճիշտ հավաքած տոպրակը, անկախ թղթի տեսակից, կարող է դիմանալ 5 կիլոգրամ քաշ ունեցող բեռի, իսկ որոշ դեպքերում նույնիսկ ավելի ծանր քաշով բեռի:

 

Արդյո՞ք լյուվերսներն անհրաժեշտ են թղթե պարկի (տոպրակի) համար

 

Մենք գտնում ենք, որ լյուվերսները թղթե պարկին (տոպրակին) հաճելի տեսք են տալիս, սակայն պարտադիր չեն: Ցանկացած տոպրակ ուշադրություն է գրավում նախևառաջ դիզայնի և ձևավորման շնորհիվ, և այնպիսի դետալ, ինչպիսին լյուվերսներն են, կարող են ընդամենն ընդգծել թղթե պարկի (տոպրակի) եղած տեսքը:

 

Մենք առանց լյուվերսների բազում տոպրակներ ենք տեսել, որոնք իդեալական տեսք ունեին հրաշալի դիզայնի շնորհիվ: Տեսել ենք նաև այնպիսի շիլափլավ դիզայներական լուծումներ, որտեղ, թեև լյուվերսներ կային, և հետտպագրական տարբեր հավելյալ հնարքներ էին օգտագործված, սակայն չկային ամենակարևորները՝ գեղեցկությունն ու գրավչությունը:

 

Արժե՞ արդյոք տոպրակը պատվիրել դիզայներական թղթից

 

Միանգամից նշենք, որ դիզայներական թղթի տեսակները չափազանց շատ են: Եվ, իհարկե, նրանցից բոլորը չեն նախատեսված թղթե պարկերի (տոպրակների) արտադրման համար: Այնուհանդերձ, որոշ դեպքերում, հաճախորդները, դիզայներական թղթի վրա տպագրված հիանալի այցաքարտ ստանալով, անմիջապես նույն նյութից տոպրակ ունենալու ցանկություն են հայտնում: Ցավոք, նրանց հաճախ հիասթափություն է սպասում, քանի որ նման թղթի տեսակների մեծ մասը դժվարությամբ են ծալվում, կարող են ճաքել և «կամակորություն անել» սոսնձելիս: Բացի այդ, դիզայներական թուղթը զգալիորեն ավելի թանկ է և սովորաբար ձեռք է բերվում միայն ըստ պատվերի, ինչը կարող է երկարացնել թղթե պարկերի (տոպրակների) արտադրման ժամկետները  մոտ երկու շաբաթով:

 

Թեև, իհարկե, մասնագետների աջակցությամբ ընտրելով համապատասխան դիզայներական թուղթ, Դուք, արդյունքում, կստանաք տոպրակ, որն իդեալական կերպով ընդգծում է Ձեր ընկերության անհատականությունը և ոճը: Ընտրություն Ձերն է:

 

Գնի առումով, թղթի պարկերի (տոպրակների) համար ո՞ր տպաքանակն է ամենաօպտիմալը:

 

Հիմնականում, անկախ պարկի (տոպրակի) արտադրությունն իրականացնող ընկերությունից, տոպրակի գինը պայմանավորվելու է երկու բաղադրիչով՝ ամբողջ տպաքանակի համար մեկ անգամ արվող ծախսերով (տպագրական ձևեր, կտրման դանակներ, հաստոցի հարմարեցում) և տպաքանակի մեծացման հետ մեծացող ծախսերով (թուղթ, պարան, ներկեր, լաքեր և այլն): Որքան ավելի մեծ է տպաքանակը, այնքան ավելի է փոքր են միանգամյա ծախսերը, հետևաբար՝ ավելի ցածր է գինը:

 

Հասկանալու համար, թե ո՞րն է, այսպիսով, օպտիմալ տպաքանակը մեր ընկերությունում պատվիրելիս, այսինքն, ո՞ր դեպքում, է որ միանգամյա ծախսերի ազդեցությունն այլևս այդքան որոշիչ չէ, մենք պարզապես հաշվարկեցինք տարբեր տպաքանակների դեպքում ստացվող գինը և, արդյունքում, ստացանք, որ. 500 հատից 1000 հատի անցման արդյունքում գինը նվազում է 30-ից 40 տոկոսով, 1000-ից 1500 հատի անցման դեպքում՝ 5-ից 6 տոկոս, 1500 հատից 2000 հատի՝ 4-ից 5 տոկոս և այսպես շարունակ: Այնպես որ, գնի առավել շոշափելի տարբերություն կարելի է ունենալ 1000 հատ տպաքանակի դեպքում:

 

Մոտավորապես որքա՞ն կարժենա իմ թղթե պարկը (տոպրակը)

 

Թղթե պարկի գինն, իհարկե, կախված է դրա չափսից: Օգտվենք տոպրակը չափելու այլընտրանքային միավորից, որը հավասար է Pepsi-ի կամ Cola-ի (որը կնախընտրեք) մեկ տարայի: Եվ այսպես՝